بحث

Related Posts Plugin for WordPress, Blogger...

الكروشيه

احلى و اجدد الافكار و الباترونات

التطريز

افكار لتعليم و عمل احلي الاشغال بباترونات واضحه و جميله

لمسات انيقه

لمسات انيقه لبيتك و لملابسك من صنع يدك

ديكور

احدث الباترونات لتنفيذ اجمل الديكورات باسهل الطرق

صفحه شغل ابره

سعدنا بزيارتك و نتمنى ان تسعدي بوجودك معنا و تجدي ما تبحثين عنه في شغل ابره

تابعينا عبر الايميل -Follow by Email

الاثنين، 23 ديسمبر 2013

باترون كنار جيبه اطفال كروشيه

باترون كنار جيبه كروشيه للبنوتات عباره عن طبقات فوق بعضها
ممكن تركبيه علي اي موديل مناسب
بيكون شكلها حلو اوي و متميز عن اي كنار عادي
بتشتغلي الباترون عادي  علشان تعملي اول دور .. و علشان تعملي الدور اللي بعده بتشتغلي نفس الباترون بس بتبنيه و تبتدي تشتغليه  علي اخر صف قبل المروحه في في الدور اللي خلصتيه قبله
و الجيبه هنا نفسها عباره عن اعمده و اشتغلي عليها الكنار


باترون مخده كروشيه مربعه

باترون مخده كروشيه مربعه
خداديه او مخده من الكروشيه وحده واحده
ممكن تعمليها لون واحد او كل صف لون زي الصوره او تبادلي بين لونين و كل طريقه حتديكي شكل مختلف
تقدري تتحكمي في الحجم بعدد السطور و تزودي زي مانتي عايزه بنفس طريقه الزياده اللي واضحه في الباترون
الضهر ممكن تعمليه كروشيه برضه او قماش زي ما تحبي


السبت، 21 ديسمبر 2013

فكره حلق بسيط من الكروشيه مع الباترون

حلق بسيط من الكروشيه مع الباترون
الحلق سهل جدا و بتشتغليه علي اي هيكل حلق دائري باللون و الحجم اللي انتي عايزاه
الهيكل اي حلق عادي بسيط ما فيهوش اي شغل و  تلاقيه في محلات الاكسسوارات
فكره الحلق عجبتني و الباترون مش ليه بس الفكره واحده


الأربعاء، 18 ديسمبر 2013

مفرش كروشيه بيضاوي مع الباترون

مفرش كروشيه بيضاوي مع الباترون
المفرش بطريقه الفيليه ( يعني شغل اعمده رايج راجع و بتعدي و انتي بتشتغلي (
حجمه حلو لطرابيزه صغيره
الباترون اسفل الصوره

كنار من الايتامين لتزيين فوطه مع الباترون

كنار من الايتامين لتزيين فوطه مع الباترون
ممكن انتي تستعمليه كنار لمخده او مفرش او تكرريه و يكون لملايه
جميل و رقيق الباترون هو التاني من كل صفحه




باترون مربع الجده من الكروشيه - granny square pattern

اشهر و اسهل مربع كروشيه ممكن تعملي منه حامل دبابيس او بتكرار الوحده تعملي بطانيه او كوفيه او اشغال لا حصر لها
بيسموه مربع الجده او جراني سكوير كروشيه
ده باترونه للمبتدئات

الخميس، 5 ديسمبر 2013

طريقه عمل ورده سهله من الشرائط بالصور و الخطوات

طريقه عمل ورده سهله من الشرائط بالصور و الخطوات


طريقه عمل ورده سهله من الشرائط بالصور و الخطوات
هي بالظبط طريقتها زي طريقه عمل غرزه السلسله في التطريز و بتستخدمي شريط رفيع
تابعي الخطوات 


و بتاخدي كل البتلات من نفس المكان هنا صورت لك بتله او ورقه تانيه اوضح - See more at: http://mmlakty.com/%d8%b7%d8%b1%d9%8a%d9%82%d9%87-%d8%b9%d9%85%d9%84-%d9%88%d8%b1%d8%af%d9%87-%d8%b3%d9%87%d9%84%d9%87-%d9%85%d9%86-%d8%a7%d9%84%d8%b4%d8%b1%d8%a7%d8%a6%d8%b7-%d8%a8%d8%a7%d9%84%d8%b5%d9%88%d8%b1-%d9%88/#sthash.GcnN6gGx.dpuf

و بتاخدي كل البتلات من نفس المكان هنا صورت لك بتله او ورقه تانيه اوضح


و دي النتيجه

ممكن نفس الغرزه تشتغليها لوحدها علي انها ورقات شجر
mmlakty.com - mona saeed

اسهل ورده من الساتان بالخطوات المصوره

اسهل ورده من الساتان بالخطوات المصوره

 
لو بتتعلمي التطريز بالساتان الورده دي حلوه اوي حتشجعك انك تتعلمي لان نتيجتها جميله و مافيهاش شك بالابره كتير كلها تعديه من تحت الشرايط زي ما حتشوفي
ده شرح عمل ورده بلدي بالصور و الخطوات من الساتان
الاول طريقه ادخال الخيط في الشرائط
الابره ابره ايتامين فتحتها واسعه
بتدخلي الشريط
و تشكي الابره مكان قريب من الطرف و تسحبي الابره زي الصور ما بينه و تعقدي الطرف



الاول بتستعملي شريط رفيع او ممكن خيط رفيع بتعملي خمس عواميد طولها متساوي زي الصوره  و الزاويه بينهم متساويه
طول الضلع هو اللي بيحدد حجم الورده


و بعدين تستعملي شريط عريض
بتدخلي من تحت و تعدي مره من تحت الشريط الرفيع و مره من فوقه و كل تعديه ببرمه خفيفه علشان تشكل الورقه
لغايه ما تكمل الورقه


بتختمي الشغل و تقفلي من تحت و دي النتيجه


الاثنين، 2 ديسمبر 2013

باترون غرزه كروشيه لبلوزه جميله

البلوزه دي من احلي الموديلات اللي قابلتني
ممكن تلبسيها تحت اي جاكيت و ممكن تقابلي بيها ضيوفك في البيت
البلوزه مع الباترون للغرزه المستخدمه من شغل ابره



كوفيه كروشيه لطفلك بالباترون

هي تشبه الكوفيه بتكون ربطه او لفه علي الرقبه و تتقفل بازرار زي الصوره
اسهل و اسرع في الشغل و اوفر في الخيط و كمان شكلها جميل
و الاهم ثابته علي طفلك لو كثير الحركه
الباترون بالاسفل و ممكن تدخلي كذا لون زي الصور\



السبت، 30 نوفمبر 2013

تركيبات لونيه لاشغال الكروشيه و الخيوط

لو بتشتغلي كروشيه و بتحبي تدخلي الوان كتير و بتصادفك مشكله خصوصا لو دخلتي اكتر من لونين و الوان مش تقليديه دي مجموعه كبيره من التنسيقات و المجموعات اللونيه لغايه 5 الوان من خيوط الكروشيه اختاري التركيبه و التنسيق اللي يعجبك




الجمعة، 29 نوفمبر 2013

عقد سهل بالخرز و الساتان بالصور و الخطوات

عقد سهل بالخرز و الساتان من  غير اي مهارات تقدري تعمليه





 كل اللي عايزاه الادوات دي


بتحددي الطول بس خللي بالك انك بتعملي كشكشه كتير يعني اعملي ضعف الطول اللي عايزاه علي الاقل 
سيبي مسافه حوالي 25 سم او 30 سم و زيهم من الطرف الاخر تكفي انك تعملي الفيكونكه او الربطه من ورا و تتحكمي في طول العقد من خلالهم
بتحضري الخيط ة تعملي عقده في الاول و تعملي كشكشه و تدخلي الخرزه او الحبه و بعدين كشكشه و حبه و هكذا لحد ما تخلصي و تنهي بكشكشه و عقده
انا عملت فيونكه في الاخر  و ثبتها في احد الاطراف



دي النتيجه
 

دي صوره من النت لنفس الفكره بس الحبات اصغر فالكشكشه باينه اوضح


ورده من شرائط الساتان بالصور و الخطوات

ورده من شرائط الساتان بالصور و الخطوات انا اللي عملتها اتمني تعجبكم ممكن تزيني بيها اشغالك او تعملي بيها توك او خداديه او زي ما تحبي


 ده اللي حتحتاجيه


ده ازاي تدخلي الابره في الساتان .. انتي بتشتغلي بابره ايتامين فتحتها واسعه .. اوسع فتحه تلاقيها و حضريها زي الصوره و اركنيها علي جنب دلوقت
 

ده قلب الورده اللي بتشتغليها .. انتي بتشتغليها لوحدها بشريطه من غير الابره اللي فوق  و من غير قماش انا ركناها و سنداها بس بالابره علشان اصورها انتي بتبرمي و تلفي الساتان لفه و بالخيط و الابره من تحت تخدي غرزه من تحت تثبتي الورده علشان ما تفكش منك و بعدين تعملي لفتين و ما تنسيش تبرمي و انتي بتلفي و تلقطي بالخيط لحد ما توصلي للحجم اللي عايزاه
 

بالخيط ثبتي الورده في القماش
 

 بالابره اللي فيها الساتان اللي محضرينها ادخلي من جنب الورده اوي و ابتدي اشتغلي البتلات زي الصوره


اشتغلي الدور التاني و راعي ان الارتفاعات تكون مظبوطه
و لما تخلصي اختمل الشغل من تحت

و دي النتيجه
 

الأربعاء، 27 نوفمبر 2013

بومه من الكروشيه مع الباترون

بومه صغيره من الكروشيه لتزيين اشغالك اليدويه .. ( الموضوع من النت )
مع الباترون

لمبتدئات التطريز .. تعلمي غرزه لتزيين الحواف لاشغالك بالصور

لمبتدئات التطريز .. تعلمي غرزه لتزيين الحواف لاشغالك  بالصور
اخترت لكم الغرز السهله دي و صورتهالكم بالخطوات يا رب اكون عرفت اوصلكم الفكره
الغرزه سهله و بتدخلي فيها لونين ممكن تشتغليها علي قماش و ممكن تتعلميها في الاول علي قماش ايتامين زي مانا اشتغلت علشان ايدك تظبط المسافات كويس
الخيط كوتونبارليه فتلتين مع بعض
بتعملي الاول صفين من لون تختاريه و خللي بالك الصف اللي تحت الغرز بتنزل في المسافات الفاضيه بين الغرز اللي فوق يعني مش فوق بعض علي طول

 
بتشتغلي باللون التاني من فوق زي الصوره و تعدي من الصفين
لتحت


بترجعي لفوق تاني


بتكرري الخطوات


و بالتكرار بتوصلي للنتيجه دي


 
اتمني تعجبكم
في غرزه كمان كانت في الموضوع اللي قبل ده


لو عايزه تعرفي طريقتها اضغطي علي الرابط ده http://mmlakty.com
الموضوع و الصور ل بيتي مملكتي

if you find your photo here and protected by copy right , just tell me to remove it or to add your main resource , thank you

الى زوار مدونتى

هذه الموضوعات قمت بتجميعها سواء من مجلات عندي او من البومات بيكاسا العامه في النت و هذه الاعمال ليست ملكيه خاصه لي و ليست اعمالي الخاصه اتمنى ان تحوز اعجابكم و تفيدكم كما اتمنى
these all projects is from my own magazines or from public picasa albums ,it is not my own works , i just collect hopping you enjoy them with me

بسم الله الرحمن الرحيم

قال صلى الله عليه وسلم ( لَا تَحَاسَدُوا ولا تَنَاجَشُوا ولا تَبَاغَضُوا ولا تَدَابَرُوا ولا يَبِعْ بَعْضُكُمْ على بَيْعِ بَعْضٍ وَكُونُوا عِبَادَ اللَّهِ إِخْوَانًا الْمُسْلِمُ أَخُو الْمُسْلِمِ لَا يَظْلِمُهُ ولا يَخْذُلُهُ ولا يَحْقِرُهُ التَّقْوَى ها هنا -وَيُشِيرُ إلى صَدْرِهِ ثَلَاثَ مَرَّاتٍ - بِحَسْبِ امْرِئٍ من الشَّرِّ أَنْ يَحْقِرَ أَخَاهُ الْمُسْلِمَ كُلُّ الْمُسْلِمِ على الْمُسْلِمِ حَرَامٌ دَمُهُ وَمَالُهُ وَعِرْضُهُ) رواه مسلم