بحث

Related Posts Plugin for WordPress, Blogger...

الكروشيه

احلى و اجدد الافكار و الباترونات

التطريز

افكار لتعليم و عمل احلي الاشغال بباترونات واضحه و جميله

لمسات انيقه

لمسات انيقه لبيتك و لملابسك من صنع يدك

ديكور

احدث الباترونات لتنفيذ اجمل الديكورات باسهل الطرق

صفحه شغل ابره

سعدنا بزيارتك و نتمنى ان تسعدي بوجودك معنا و تجدي ما تبحثين عنه في شغل ابره

تابعينا عبر الايميل -Follow by Email

السبت، 30 نوفمبر 2013

تركيبات لونيه لاشغال الكروشيه و الخيوط

لو بتشتغلي كروشيه و بتحبي تدخلي الوان كتير و بتصادفك مشكله خصوصا لو دخلتي اكتر من لونين و الوان مش تقليديه دي مجموعه كبيره من التنسيقات و المجموعات اللونيه لغايه 5 الوان من خيوط الكروشيه اختاري التركيبه و التنسيق اللي يعجبك




الجمعة، 29 نوفمبر 2013

عقد سهل بالخرز و الساتان بالصور و الخطوات

عقد سهل بالخرز و الساتان من  غير اي مهارات تقدري تعمليه





 كل اللي عايزاه الادوات دي


بتحددي الطول بس خللي بالك انك بتعملي كشكشه كتير يعني اعملي ضعف الطول اللي عايزاه علي الاقل 
سيبي مسافه حوالي 25 سم او 30 سم و زيهم من الطرف الاخر تكفي انك تعملي الفيكونكه او الربطه من ورا و تتحكمي في طول العقد من خلالهم
بتحضري الخيط ة تعملي عقده في الاول و تعملي كشكشه و تدخلي الخرزه او الحبه و بعدين كشكشه و حبه و هكذا لحد ما تخلصي و تنهي بكشكشه و عقده
انا عملت فيونكه في الاخر  و ثبتها في احد الاطراف



دي النتيجه
 

دي صوره من النت لنفس الفكره بس الحبات اصغر فالكشكشه باينه اوضح


ورده من شرائط الساتان بالصور و الخطوات

ورده من شرائط الساتان بالصور و الخطوات انا اللي عملتها اتمني تعجبكم ممكن تزيني بيها اشغالك او تعملي بيها توك او خداديه او زي ما تحبي


 ده اللي حتحتاجيه


ده ازاي تدخلي الابره في الساتان .. انتي بتشتغلي بابره ايتامين فتحتها واسعه .. اوسع فتحه تلاقيها و حضريها زي الصوره و اركنيها علي جنب دلوقت
 

ده قلب الورده اللي بتشتغليها .. انتي بتشتغليها لوحدها بشريطه من غير الابره اللي فوق  و من غير قماش انا ركناها و سنداها بس بالابره علشان اصورها انتي بتبرمي و تلفي الساتان لفه و بالخيط و الابره من تحت تخدي غرزه من تحت تثبتي الورده علشان ما تفكش منك و بعدين تعملي لفتين و ما تنسيش تبرمي و انتي بتلفي و تلقطي بالخيط لحد ما توصلي للحجم اللي عايزاه
 

بالخيط ثبتي الورده في القماش
 

 بالابره اللي فيها الساتان اللي محضرينها ادخلي من جنب الورده اوي و ابتدي اشتغلي البتلات زي الصوره


اشتغلي الدور التاني و راعي ان الارتفاعات تكون مظبوطه
و لما تخلصي اختمل الشغل من تحت

و دي النتيجه
 

الأربعاء، 27 نوفمبر 2013

بومه من الكروشيه مع الباترون

بومه صغيره من الكروشيه لتزيين اشغالك اليدويه .. ( الموضوع من النت )
مع الباترون

لمبتدئات التطريز .. تعلمي غرزه لتزيين الحواف لاشغالك بالصور

لمبتدئات التطريز .. تعلمي غرزه لتزيين الحواف لاشغالك  بالصور
اخترت لكم الغرز السهله دي و صورتهالكم بالخطوات يا رب اكون عرفت اوصلكم الفكره
الغرزه سهله و بتدخلي فيها لونين ممكن تشتغليها علي قماش و ممكن تتعلميها في الاول علي قماش ايتامين زي مانا اشتغلت علشان ايدك تظبط المسافات كويس
الخيط كوتونبارليه فتلتين مع بعض
بتعملي الاول صفين من لون تختاريه و خللي بالك الصف اللي تحت الغرز بتنزل في المسافات الفاضيه بين الغرز اللي فوق يعني مش فوق بعض علي طول

 
بتشتغلي باللون التاني من فوق زي الصوره و تعدي من الصفين
لتحت


بترجعي لفوق تاني


بتكرري الخطوات


و بالتكرار بتوصلي للنتيجه دي


 
اتمني تعجبكم
في غرزه كمان كانت في الموضوع اللي قبل ده


لو عايزه تعرفي طريقتها اضغطي علي الرابط ده http://mmlakty.com
الموضوع و الصور ل بيتي مملكتي

غرزه سهله لتطريز حروف اشغالك بالخطوات المصوره

غرزه سهله لتطريز حروف اشغالك بالخطوات المصوره لمبتدئات التطريز
الغرزه دي سهله جدا و طبعا اللي مسهلها اكتر اني اشتغلتها علي قماش ايتامين بيكون العد فيه و حساب المسافات بين الغرز سهل .. حلوه جدا و سريعه و لما بتكون ضيقه كده بتكون نتيجتها احلي كمان
ممكن تشتغليها علي حروف مخدات او ملايات او زي ما تحبي
تابعي الخطوات و الخيط ده خيط كوتونبارليه اشتغلته فتلتين مع بعض

اول خطوه بتشتغلي سطر زي الصوره و اهم حاجه في الغرزه دي حساب المسافات تكون مظبوطه
و بلون تاني تدخلي من تحت زي ما عملت بالخيط الاصفر تحت الفراغ بين الخطين اللي فوقيها



تابعي الخطوات هنا حترجعي بالخيط


و تدخلي من نفس المكان اللي خرجتي منه الخيط اول مره


و تكرري الخطوات



اتمني تكون سهله

باترونات كروشيه لفواكه صغيره للتزيين

باترونات كروشيه لفواكه صغيره للتزيين
مجموعه من الفواكه الصغيره من الكروشيه حلوه اوي لتزيين فوط المطبخ او اعمال و خياطه ملابس الاطفال
(تفاح - كمثري - برتقال - فراوله - مشروم - ورق شجر)


باترون لطقم حمام من الكروشيه

باترون لطقم حمام بسيط و جميل لونه وردي من الكروشيه
من احد المجلات الانجليزيه .. الورده بتشتغليها لوحدها و تثبتيها في القطعه بعد ما تخلصيها






تصميم لاكسسوار من الخيوط بالخطوات المصوره

تصميم لاكسسوار من الخيوط بالخطوات المصوره
التصميم ده لمحبات شغل الاكسسوارات لكن يمكن يكون صعب شويه علي المبتدئات بس حاولي في الصور و انتي ممكن تجيبيها لان التصميم فعلا حلو جدااا
الخيوط طبعا مخصوصه لشغل الاكسسوارات و دخل معاها حبات خشبيه راعي ان فتحتها تكون مناسبه و مظبوطه لتمرير الخيوط لا واسعه اوي و لا ضيقه
و الاقفال من محل بيع ادوات الاكسسوارات










بالصور اصنعي كرات البوم بوم باحجام مختلفه بسهوله

بالصور اصنعي كرات البوم بوم باحجام مختلفه بسهوله من بيتي مملكتي و شغل ابره
في اعمالك اليدويه قد تحتاجين كرات من خيوط الصوف ( كرات البوم بوم بكميات باحجام متساويه ... دي طريقه سهله و سريعه لتوحيد الحجم كمان ممكن تساعدك انك تعملي اكتر من حجم حسب احتياجك بدل من انك تلفيها علي اصابعك و الطريقه دي ىبانك تستخدمي الشوكه
طبعا في كذا حجم من الشوك هنا انا استخدمت الصغير و الوسط بس ممكن تستخدمي الاكبر كمان و كل ما تكبري كل ما تحتاجي عدد لفات اكتر و طبعا ده اسهل من الطرق التقليديه لو ما عندكيش القطعه البلاستيكيه المخصوصه  لتصنيع الكرات
حتحتاجي الخيط و الشوكه و المقص
حتسيبي طرف الخيط شويه و تبتدي تلفي حوالين الشوكه زي الصوره
اول ما تخلصي تقصي و تعقدي الطرفين ... طبعا كل ما زاد عدد اللفات كل مانات الكره مليانه اكتر


بتقصي زي الصوره بس خللي بالك احسن تقصي العقده اللي عملناها من النص



و دي النتيجه دي الكوره اللي عملناها من الشوكه الصغيره


و دي كرتين بمقاسين مختلفين كره من شوكه صغيره و كره من شوكه كبيره

if you find your photo here and protected by copy right , just tell me to remove it or to add your main resource , thank you

الى زوار مدونتى

هذه الموضوعات قمت بتجميعها سواء من مجلات عندي او من البومات بيكاسا العامه في النت و هذه الاعمال ليست ملكيه خاصه لي و ليست اعمالي الخاصه اتمنى ان تحوز اعجابكم و تفيدكم كما اتمنى
these all projects is from my own magazines or from public picasa albums ,it is not my own works , i just collect hopping you enjoy them with me

بسم الله الرحمن الرحيم

قال صلى الله عليه وسلم ( لَا تَحَاسَدُوا ولا تَنَاجَشُوا ولا تَبَاغَضُوا ولا تَدَابَرُوا ولا يَبِعْ بَعْضُكُمْ على بَيْعِ بَعْضٍ وَكُونُوا عِبَادَ اللَّهِ إِخْوَانًا الْمُسْلِمُ أَخُو الْمُسْلِمِ لَا يَظْلِمُهُ ولا يَخْذُلُهُ ولا يَحْقِرُهُ التَّقْوَى ها هنا -وَيُشِيرُ إلى صَدْرِهِ ثَلَاثَ مَرَّاتٍ - بِحَسْبِ امْرِئٍ من الشَّرِّ أَنْ يَحْقِرَ أَخَاهُ الْمُسْلِمَ كُلُّ الْمُسْلِمِ على الْمُسْلِمِ حَرَامٌ دَمُهُ وَمَالُهُ وَعِرْضُهُ) رواه مسلم